هدخل فى الموضع على طول عشان خلاص الأيام إللى عدت دى كلها بقت شبه بعضها ومالهاش طعم بإسثناء حاجات صغيرة ودى إللى هقولكم عليها طبعا ,كنت فى الأغلب بليل بروح المكتبة ,أينعم ماكنتش بقعد كتير مع أحمد قطب بس كنت بطل عليه كده فى المكتبة وبعدين أهيم على وجهى لوحدى أو معايا حد
الجديد كمان إنى إتصلت بذات الرداء الأحمر والحمد لله المرة دى ماكنتش مشغولة ولا بتشترى حاجات ولا عند قرايبهم ,المكالمة كانت روتينية ومع إنى حاولت إنى أفتح فى الحاجات إللى خنقانى بس حاجة جوايا قالتلى هى مش عايزة تسمع ,أو بمعنى أصح مش عايزة تسمع منك إنك متضايق وقرفان والحياة مقفلة فى وشك حاليا وفى المستقبل ,قالتلى إنها راحت الكلية النهاردة عشان كان نازلة تسأل على كورسات إنجليش وكمبيوتر ونزلت الكلية عشان تسأل دكتور الإقتصاد بتاعهم على حاجة تقريبا شكلها عاوزة تدخل قسم إقتصاد والغريب إنى ماسألتهاش هى ناوية تدخل قسم إيه؟ ,قولتلها على حوارات الجيش وإنى سيبت الشغل إللى كنت فيه والإنتقالات الغريبة إللى كنت بعملها دى ,بس لما خلصت كلام ولقيتها سكتت وما بتتطلمش تأكدت من الحاجة إللى جوايا إللى كانت بتقوللى هى فعلا مش عاوزة تسمع منك كلام زى كده ,وجايز تكون مش عاوزة تسمع منك أى كلام أصلا
الجديد كمان هو إنى بروح فريق المسرحو بتاعنا الأيام دى كل كام يوم كده عشان أساعدهم فى تنفيذ عروضهم التلاتة إللى هتتعمل فى مهرجان الصيف آخر الشهر
فى طبعا حاجت صغير كانت بتحصل زى إننا نروح لمصطفى الشغل فى المنشية أو أنزل مع أحمد سعيد عشان نجيب حاجات ,أو أنزل أتمشى مع محمد مجدى عشان كان واخد أجازة لمدة 3 أيام , دخلنا فى يوم سينما بليل أنا ومصطفى سليمان ومجدى وعلى وشبل ,دخلنا فيلم دبور بتاع أحمد مكى وكان إستثناء إننا ندخله حفلة واحدة ونص بس كان فعلا الفيلم جميل وشال عننا الهم شوية
فى الفترة إللى فاتت قربت جداااااا من لميس ,ودى لو مش فاكرينها البنت إللى بكلما ع النت ,هى مصرية بس عايشة فى الإمارات وهى الأيام دى بتقضى الأجازة فى مصر ,بس هى دلوقتى فى القاهرة وبتقول إنها نازلة إسكندرية خلال أيام بس لسا ما جتش لحد دلوقتى ,بصراحة البنت كانت بتسمعنى لما بكون مخنوق وبتحاول تسعدنى على قد ماتقدر ,عشان كده قولت لازم أعملها حاجة , فى الأول عملتلها صورة ببرنامج كده بس طلعت الصورة حلوة أوى ,هى عبارة عن صور كتير داخلة فى بعضها مع شوية تأثيرات لطيفة كده ,لما بعتلها الصورة كانت مبسوطة وفرحانة بيها جدااااااااا ,وأنا برضو كنت مبسوط لأنى كنت فعلا حاسس إنها متضايقة بس مش بتقدر تحكى فقولت حاجة زى كده ممكمن تخلى شعورها أحسن شوية ,بعدها قررت أعملها مدونة زى إللى بكتبلكم فيها اليوميات دلوقتى كده ,حاولت أظبطلها المدونة على قد ما أقدر وحطيت فيها كل الحاجات إللى هى بتحبها ,الأغانى إللى بتحبها وبوسترات للأفلام إللى بتحبها وحطيت كمان القصص والمواضيع إللى كانت بتكتبها ع الفيس بوك ,ده طبعا غير الصور بتاعتها وتظبيط الألون والخلفيات وما إلى ذلك ,وكنت دايما ببقى مبسوط وأنا بعملها أى حاجة لأنها فعلا بنت كويسة جدا وتستاهل كل خير حقيقى
من الحاجت إللى حصلت وإللى لسا بتحصل هى إنى بحضر ورق الجيش ,روحت عملت الفيش الجنائى ويوم السبت هروح أسحب الملف بتاعى من الكلية عشان أقدم الورق بتاعى قبل يوم عشرين أغسطس عشان ده آخر معاد ,إ>عولى إنى آخد تأجيل أو إعفى يا رب ,مش عشان أنا خايف من دخول الجيش بس هى الحكاية مسألة توفير فى الوقت عشان ممكن فى السنة إللى هدخل فيها الجيش دى أعمل فيها أى حاجة برة زى الشغل مثلا أو حتى أظبط نفسى كورسات وكده ,وطبعا الأيام دى مش هينفع أدور على شغل لأنى حتى لو لقيت مش هينفع أشتغل لأنى ملخوم فى حوارات الجيش ,فطبعا لازم أخلص منها الأول وبعدين أشوف هعمل إيه؟
من الحاجت الغريبة إللى حصلت هى إنى إتصلت بذات الرداء الأحمر وقعدت أتكلم معاها لمدة عشر دقايق ع الموبايل وده كان رقم قياسى بالنسبالى لأنى طبعا دفعت خمسة جنيه ,بس الأهم من الفلوس هى إنى كنت بتكلم معاها بشكل طبيعى جدا وكنت مبسوط جدا وأنا بكلمها وأعتقد هى كمان ,كل كلامنا كان فى موضوعين الأول هو القسم إللى هى هتختاره السنة الجاية وهو فى الأغلب إقتصاد ,والموضوع التانى هو موضوع دخول الجيش وإنى لو دخلت ظابط ولا عسكرى وظروف الشغل والحاجت اللطيفة دى ,بغض النظر عن كلامنا بس أنا فعلا كنت مبسوط بإنى كلمتها بالشكل ده وتغاضيت عن كلمة إنت زى أخويا إلى قالتلها فى آخر المكالمة بعد ما إعتذرت عشان طولت عليا فى المكالمة شوية ,مقدرش أنكر طبعا إنى لسا بحبها وكل يوم حبى ليا بيزيد عن اليوم إللى قبله ,بس فى نفس الوقت عارف إنها من المستحيل تبقى ليا ,عشان كده أنا ماشى فى حياتى بشكل عادى ,وجايز أحب تانى بس مش زى حبى لذات الرداء الأحمر لأنى خلاص للأسف قابلت حب حياتى الحقيقى وإللى بييجى مرة واحدة وبس
مضطر أنهى البوست مع إنى مش مشغول ولا حاجة ,انا شوية كده ورايح لأحمد سعيد عشان بيظبط تشكيل نص لغة عربية فصحى ومحتاجنى معاه ,وبعدها ممكن أنزل مع محمد مجدى لأنه أجازة النهاردة
إمضاء/ العايش فى قبره
الشخصيات إللى قابلتها
كتيرة بشكل بشع بس أعتقد إنكم تعرفوهم كلهم أو معظمهم
الجديد كمان إنى إتصلت بذات الرداء الأحمر والحمد لله المرة دى ماكنتش مشغولة ولا بتشترى حاجات ولا عند قرايبهم ,المكالمة كانت روتينية ومع إنى حاولت إنى أفتح فى الحاجات إللى خنقانى بس حاجة جوايا قالتلى هى مش عايزة تسمع ,أو بمعنى أصح مش عايزة تسمع منك إنك متضايق وقرفان والحياة مقفلة فى وشك حاليا وفى المستقبل ,قالتلى إنها راحت الكلية النهاردة عشان كان نازلة تسأل على كورسات إنجليش وكمبيوتر ونزلت الكلية عشان تسأل دكتور الإقتصاد بتاعهم على حاجة تقريبا شكلها عاوزة تدخل قسم إقتصاد والغريب إنى ماسألتهاش هى ناوية تدخل قسم إيه؟ ,قولتلها على حوارات الجيش وإنى سيبت الشغل إللى كنت فيه والإنتقالات الغريبة إللى كنت بعملها دى ,بس لما خلصت كلام ولقيتها سكتت وما بتتطلمش تأكدت من الحاجة إللى جوايا إللى كانت بتقوللى هى فعلا مش عاوزة تسمع منك كلام زى كده ,وجايز تكون مش عاوزة تسمع منك أى كلام أصلا
الجديد كمان هو إنى بروح فريق المسرحو بتاعنا الأيام دى كل كام يوم كده عشان أساعدهم فى تنفيذ عروضهم التلاتة إللى هتتعمل فى مهرجان الصيف آخر الشهر
فى طبعا حاجت صغير كانت بتحصل زى إننا نروح لمصطفى الشغل فى المنشية أو أنزل مع أحمد سعيد عشان نجيب حاجات ,أو أنزل أتمشى مع محمد مجدى عشان كان واخد أجازة لمدة 3 أيام , دخلنا فى يوم سينما بليل أنا ومصطفى سليمان ومجدى وعلى وشبل ,دخلنا فيلم دبور بتاع أحمد مكى وكان إستثناء إننا ندخله حفلة واحدة ونص بس كان فعلا الفيلم جميل وشال عننا الهم شوية
فى الفترة إللى فاتت قربت جداااااا من لميس ,ودى لو مش فاكرينها البنت إللى بكلما ع النت ,هى مصرية بس عايشة فى الإمارات وهى الأيام دى بتقضى الأجازة فى مصر ,بس هى دلوقتى فى القاهرة وبتقول إنها نازلة إسكندرية خلال أيام بس لسا ما جتش لحد دلوقتى ,بصراحة البنت كانت بتسمعنى لما بكون مخنوق وبتحاول تسعدنى على قد ماتقدر ,عشان كده قولت لازم أعملها حاجة , فى الأول عملتلها صورة ببرنامج كده بس طلعت الصورة حلوة أوى ,هى عبارة عن صور كتير داخلة فى بعضها مع شوية تأثيرات لطيفة كده ,لما بعتلها الصورة كانت مبسوطة وفرحانة بيها جدااااااااا ,وأنا برضو كنت مبسوط لأنى كنت فعلا حاسس إنها متضايقة بس مش بتقدر تحكى فقولت حاجة زى كده ممكمن تخلى شعورها أحسن شوية ,بعدها قررت أعملها مدونة زى إللى بكتبلكم فيها اليوميات دلوقتى كده ,حاولت أظبطلها المدونة على قد ما أقدر وحطيت فيها كل الحاجات إللى هى بتحبها ,الأغانى إللى بتحبها وبوسترات للأفلام إللى بتحبها وحطيت كمان القصص والمواضيع إللى كانت بتكتبها ع الفيس بوك ,ده طبعا غير الصور بتاعتها وتظبيط الألون والخلفيات وما إلى ذلك ,وكنت دايما ببقى مبسوط وأنا بعملها أى حاجة لأنها فعلا بنت كويسة جدا وتستاهل كل خير حقيقى
من الحاجت إللى حصلت وإللى لسا بتحصل هى إنى بحضر ورق الجيش ,روحت عملت الفيش الجنائى ويوم السبت هروح أسحب الملف بتاعى من الكلية عشان أقدم الورق بتاعى قبل يوم عشرين أغسطس عشان ده آخر معاد ,إ>عولى إنى آخد تأجيل أو إعفى يا رب ,مش عشان أنا خايف من دخول الجيش بس هى الحكاية مسألة توفير فى الوقت عشان ممكن فى السنة إللى هدخل فيها الجيش دى أعمل فيها أى حاجة برة زى الشغل مثلا أو حتى أظبط نفسى كورسات وكده ,وطبعا الأيام دى مش هينفع أدور على شغل لأنى حتى لو لقيت مش هينفع أشتغل لأنى ملخوم فى حوارات الجيش ,فطبعا لازم أخلص منها الأول وبعدين أشوف هعمل إيه؟
من الحاجت الغريبة إللى حصلت هى إنى إتصلت بذات الرداء الأحمر وقعدت أتكلم معاها لمدة عشر دقايق ع الموبايل وده كان رقم قياسى بالنسبالى لأنى طبعا دفعت خمسة جنيه ,بس الأهم من الفلوس هى إنى كنت بتكلم معاها بشكل طبيعى جدا وكنت مبسوط جدا وأنا بكلمها وأعتقد هى كمان ,كل كلامنا كان فى موضوعين الأول هو القسم إللى هى هتختاره السنة الجاية وهو فى الأغلب إقتصاد ,والموضوع التانى هو موضوع دخول الجيش وإنى لو دخلت ظابط ولا عسكرى وظروف الشغل والحاجت اللطيفة دى ,بغض النظر عن كلامنا بس أنا فعلا كنت مبسوط بإنى كلمتها بالشكل ده وتغاضيت عن كلمة إنت زى أخويا إلى قالتلها فى آخر المكالمة بعد ما إعتذرت عشان طولت عليا فى المكالمة شوية ,مقدرش أنكر طبعا إنى لسا بحبها وكل يوم حبى ليا بيزيد عن اليوم إللى قبله ,بس فى نفس الوقت عارف إنها من المستحيل تبقى ليا ,عشان كده أنا ماشى فى حياتى بشكل عادى ,وجايز أحب تانى بس مش زى حبى لذات الرداء الأحمر لأنى خلاص للأسف قابلت حب حياتى الحقيقى وإللى بييجى مرة واحدة وبس
مضطر أنهى البوست مع إنى مش مشغول ولا حاجة ,انا شوية كده ورايح لأحمد سعيد عشان بيظبط تشكيل نص لغة عربية فصحى ومحتاجنى معاه ,وبعدها ممكن أنزل مع محمد مجدى لأنه أجازة النهاردة
إمضاء/ العايش فى قبره
الشخصيات إللى قابلتها
كتيرة بشكل بشع بس أعتقد إنكم تعرفوهم كلهم أو معظمهم
No comments:
Post a Comment