بقالى فترة كبيرة مش بكتب يومية ليوم واحد بس ,يمكن عشان النهاردة كنت فاضى ,أو بمعنى أصح صايع ,مفيش تجربة شغل جديدة أو حتى مشوار عشان أسأل على شغل ,بس ماتخافوش أنا بكرة إن شاء الله رايح أسأل على حوار شغل فى الجاليرى إللى قولتلكم عليه وربنا يكرم
صحيت الصبح وبعد ما فطرت قعدت كالعادة على الكمبيوتر وشوية أسمع أغانى وشوية أتصفع ع الإنترنت حلوة أتصفح دى صح؟؟
بعدها قعدت أتكلم ع النت لفترة طويلة مع لميس ,وكنا بنتكلم عن حاجات كتير ,ع الأفلام شوية وعلى الأغانى والكليبات شوية ,وإتكلمنا كما فى موضوع مهم وهو إللى كلمتكم عنه إمبارح بتاع محمد مجدى صاحبى وإن فعلا لسا فى حب حقيقى أحسن من بتاع زمان كمان بس الظروف والماديات هى إللى بتخنقه وعلى فكرة لميس كانت موافقانى ع الرأى ده
بعدها قومت عشان أتغدى وكانت الساعة حوالى 5 ونص ,بعدها رجعت تانى للكمبيوتر وقعدت أعمل اى حاجة فى أى هبل المهم إنى بضيع وقتى وخلاص ,أه إفتكرت كنت بلعب لعبة السندباد ,لما زهقت من اللعبة كان أخويا وصل من الشغل قعدت شوية عشان أتفرج على ماتش الزمالك ,شوفت شوط واحد وماقدرتش أستحمل روحت نازل على طول على المكتبة ,روحت وقعدت شوية مع أحمد وواحد صاحبى هناك إسمه بيرم ,وقعدنا نتفرج على أجزاء من مسرحية ريا وسكينة ع الكمبيوتر إللى فى المكتبة ,قفلت مع أحمد وروحت بيتنا وبعدها بشوية جالى على عشان كان عاوز شوية برامج وحاجات على سى دى وبعدين قولت أتفرج على فيلم روحت مشغل فيلم رومانسى إسمه
The Notebook
بس للأسف ماكملتهوش لأن فى نص الفيلم سمعت صوت خناقة ,الخناقة كانت بين عمى والراجل إللى ساكن فوق عمى بالظبط ,على فكرة عمى ده ساكن فى وشنا وماجتش فرصة أقولكم عليه لأنى بكرهه جداااااااا ,ويمكن دى أول مرة تسمعونى بقول فيها كلمه كره بس أنا فعلا بكرهه لأنه شخصية غريبة وإتخانقنا معاه أكتر من مرة وكان كل مرة هو إللى يبدأ بالخناق وعلى أسباب تافهة وعبيطة ,ده غير إنه إتهم أبويا فى مرة بإنه طمعان فى شقة عمتى إللى ساكنة فى الدور الأرضى تحتينا ,أصل إحنا وعمى ساكنين فى الدور الأول ,طبعا أبويا أخدته الحماسة وطلع يسلك بين عمى وجارنا إللى فوقينا ,وطبعا بعد الخناقة الظريفة دى كان هيبقى من الصعب جدا إنى أرجع وأكمل فيلم رومانسى لأن أنا بحب أتفرج ع الفيلم وأنا فى الحالة عشان فعلا دى بتفرق كتيييير وبتخليك تستمتع بالفيلم أكتر
دلوقتى قولت أكتبلكم اليومية قبل ما أنام وخصوصا إنى مش عاوز أحط فيها تفاصيل كتير أو أوجع دماغكم بمشاكل كتير لأنكم بإختصار مش هتفيدونى بأى حل لأى مشكلة
إدعولى بس ربنا يوفقنى فى حوار الشغل بتاع بكرة ,ولونى عارف إنو مافيش حد هيدعليلى أصلا
إمضاء/ العايش فى قبره
الشخصيات إللى قابلتها
أحمد قطب
محمد قطب
مصطفى سليمان
بيرم
على
خالى السيد ومراته فى التليفون عشان يباركولى ع النجاح
لميس ع النت
ونسيت أقولكم إن خالى صلاح ومراته جم يباركولى إمبارح برضو بمناسبة النيلة النجاح
صحيت الصبح وبعد ما فطرت قعدت كالعادة على الكمبيوتر وشوية أسمع أغانى وشوية أتصفع ع الإنترنت حلوة أتصفح دى صح؟؟
بعدها قعدت أتكلم ع النت لفترة طويلة مع لميس ,وكنا بنتكلم عن حاجات كتير ,ع الأفلام شوية وعلى الأغانى والكليبات شوية ,وإتكلمنا كما فى موضوع مهم وهو إللى كلمتكم عنه إمبارح بتاع محمد مجدى صاحبى وإن فعلا لسا فى حب حقيقى أحسن من بتاع زمان كمان بس الظروف والماديات هى إللى بتخنقه وعلى فكرة لميس كانت موافقانى ع الرأى ده
بعدها قومت عشان أتغدى وكانت الساعة حوالى 5 ونص ,بعدها رجعت تانى للكمبيوتر وقعدت أعمل اى حاجة فى أى هبل المهم إنى بضيع وقتى وخلاص ,أه إفتكرت كنت بلعب لعبة السندباد ,لما زهقت من اللعبة كان أخويا وصل من الشغل قعدت شوية عشان أتفرج على ماتش الزمالك ,شوفت شوط واحد وماقدرتش أستحمل روحت نازل على طول على المكتبة ,روحت وقعدت شوية مع أحمد وواحد صاحبى هناك إسمه بيرم ,وقعدنا نتفرج على أجزاء من مسرحية ريا وسكينة ع الكمبيوتر إللى فى المكتبة ,قفلت مع أحمد وروحت بيتنا وبعدها بشوية جالى على عشان كان عاوز شوية برامج وحاجات على سى دى وبعدين قولت أتفرج على فيلم روحت مشغل فيلم رومانسى إسمه
The Notebook
بس للأسف ماكملتهوش لأن فى نص الفيلم سمعت صوت خناقة ,الخناقة كانت بين عمى والراجل إللى ساكن فوق عمى بالظبط ,على فكرة عمى ده ساكن فى وشنا وماجتش فرصة أقولكم عليه لأنى بكرهه جداااااااا ,ويمكن دى أول مرة تسمعونى بقول فيها كلمه كره بس أنا فعلا بكرهه لأنه شخصية غريبة وإتخانقنا معاه أكتر من مرة وكان كل مرة هو إللى يبدأ بالخناق وعلى أسباب تافهة وعبيطة ,ده غير إنه إتهم أبويا فى مرة بإنه طمعان فى شقة عمتى إللى ساكنة فى الدور الأرضى تحتينا ,أصل إحنا وعمى ساكنين فى الدور الأول ,طبعا أبويا أخدته الحماسة وطلع يسلك بين عمى وجارنا إللى فوقينا ,وطبعا بعد الخناقة الظريفة دى كان هيبقى من الصعب جدا إنى أرجع وأكمل فيلم رومانسى لأن أنا بحب أتفرج ع الفيلم وأنا فى الحالة عشان فعلا دى بتفرق كتيييير وبتخليك تستمتع بالفيلم أكتر
دلوقتى قولت أكتبلكم اليومية قبل ما أنام وخصوصا إنى مش عاوز أحط فيها تفاصيل كتير أو أوجع دماغكم بمشاكل كتير لأنكم بإختصار مش هتفيدونى بأى حل لأى مشكلة
إدعولى بس ربنا يوفقنى فى حوار الشغل بتاع بكرة ,ولونى عارف إنو مافيش حد هيدعليلى أصلا
إمضاء/ العايش فى قبره
الشخصيات إللى قابلتها
أحمد قطب
محمد قطب
مصطفى سليمان
بيرم
على
خالى السيد ومراته فى التليفون عشان يباركولى ع النجاح
لميس ع النت
ونسيت أقولكم إن خالى صلاح ومراته جم يباركولى إمبارح برضو بمناسبة النيلة النجاح
No comments:
Post a Comment