عارف إنى بقالى كتير مش بكتب اليوميات بإنتظام ,بس معتقدش إنى فى حد هتهمه الحكاية دى لأن مافيش حد بيقرى اليوميات بتاعتى أصلا أو مهتم بيها وده واضح طبعا من كمية الردود والتعليقات المهولة الموجودة فى المدونة ,كان نفسى فعلا ناس كتير تقرى يومياتى وتكتب تعليقات عليها ونتناقش فى الحاجات إللى بعملها أو فى المواضيع والحاجات إللى بفكر فيها وبعرضها وإللى ممكن جدا غنها تكون بتمثل جزء من حياة أى واحد فينا
من الحاجات إللى حصلت الفترة إللى فاتت هى إن أحمد فلافيلو صاحبى جه ومعاه بنات أصحابه من المعهد ولو مش فاكرين هو فى معهد كينج مريوط قسم سياحة وفنادق ,فلافيلو جابهم المطعم ودخلوا قعدوا فى صالة المطعم وده طبعا بعد ما فلافيلو ساب الشغل خلاص ,بس الحمد لله لسا علاقته كويسة مع العمال وصحاب الشغل بالرغم من إنه مشى
بدأت أموت بشكل تدريجى الأيام إللى فاتت ,ونسيت بنسبة كبيرة محمد شعبان طالب كلية التجارة إللى بيحب التمثيل والكتابة وأغانى الروك والأفلام ,وبدأت أتحول لشخص عملى أو زى ماتقولوا كده حمار شغل ,ده طبعا إن مخى بقى شبه الآلة الحاسبة من كتر الحسابات والأرقام الداخلة والخارجة بشكل يومى فى دماغى
ماأنكرش إنى نفسى أرجع زى ماكنت , وشكلى هرجع زى ما كنت قريب ,على آخر الصيف كده ,بس لازم أدى الشخصية حقها لغاية الآخر وبعد كده أبقى أفكر أنا هعمل إيه ,ده كمان غير إنى خايف جدا من النتيجة وحاسس إنه هيبقى فى دور سبتمبر وهذاكر تانى فى الصيف وبكده هبقى عرفت كويس أنا هعمل إيه طبعا هذاكر
بعد ماإتصلت بذات الرداء الأحمر آخر مرة من المطعم قررت إنى أحاول ما تصلش بيها تانى أو على الأقل لفترة طويلة شوية ,إمبارح بس رنيت عليها رنة ودى كانت أقصى حاجة ممكن أعملها أو بمعنى تانى أقصى حاجة هعملها هى إنى ممكن أرنلها وبس لأن كلامها ممكن يتعبنى ويضرنى ومش هينفعنى خاااااااالص
من الحاجات الجادة إللى حصلتلى الأيام إللى فاتت هى إنى إتخانقت خناقة كبيرة مع أبويا وأمى بسبب إنهم حسوا إنى هسيب الشغل وإن مصطفى سليمان صاحبى بيحاول يظبطنى فى شغل تانى أحسن وأسهل بس هما مقتنعين بإن مصطفى فاشل على مستوى الدراسة والشغل وإنه مش هيجيبلى حاجة وفضلوا يزعقولى ويشتموا فيها وهما مش فاهمين أى حاجة ,ومش عارفين إن الشغل فعلا متعب وممل جدا لكن تعمل إيه بقى إللى إيده فى المية مش زى إللى إيده فى النار ,بعد زهيق وشد وجذب وده كان بليل حوالى الساعة 12 قررت إنى انهى الكلام من نفسى وأكتم غضبى وإنفعالى كالعادة وأدخل أنام ,بس لما حطيت دماغى ع السرير ما ستحملتش ,فجأة لقيت نفسى بعيط وبشكل هيستيرى لدرجة إن المخدة إللى بحضنها كل يوم وأنا نايم على إنها حبيبتى وبتحس بيا إتبلت من دموعى ,المشكلة بقى هى إنى علنياتى جدا ومش بشيل من حد خااااااااااص ,وده لأنى صحيت تانى يوم وكنت بكلم أبويا وأمى عادى جدا ولا كأن فى حاجة حصلت إمبارح ,مش عارف إمتى أبويا وأمى هيفهمونى ,وطالما أقرب ناس ليا مش فاهمنى يبقى الغريب هيفهمنى؟؟
إمبارح بس إكتشفت حاجة يمكن تكون جديدة وهى إن لما بيكون فى إتنين أو أكتر قاعدين مع بعض على طول زى الأسرة أو العيلة مثلا بيحصل حالة من التعود والملل ,زى ما تقولوا كده العين بتتعود فبتبدأ المشاكل تظهر والأحترام والحب والتعاون يقل تدريجيا ,والغريب كمان إنى إكتشفت إنك ممكن تطبق القاعدة فى أى مكان ,يعنى ممكن تطبقها فى شغلك مثلا ,ودى حصلت معايا النهاردة ,لأنه بعد ما كان بينى وبين العمال فى المطعم حب وتعاون كل حاجة جميلة بدأت تظهر بعض العيوب والمساوىء الموجودة فى الشخصيات وآخرها أشرف صاحب المطعم
أول إمبارح كنت عند مصطفى أنا ومحمد مجدى وقعدنا نتفرج على فيلم بتاع جون كوزاك وكان إسمه
Grace is gone
وكان فيلم إجتماعى درامى لذيذ جدا بس محمد مجدى كان بينام فى نص الفيلم دايما لأنه كان راجع من الشغل تعبان جدا
النهاردة كنا بنوده الشيف حمادة بتاع البيتزا لأنه بكرة هيروح يعرف مكانه فى الجيش والسلاح إللى هيخدم فيه ,بجد فعلا هيوحشنى جدا لأنه شخصية جميلة وطيبة جدا , وهو فلاح على فكرة بس فعلا مثال جميل جدا للفلاح التمام مش الفلاحين التانيين إللى بيسيئوا للفلاح المصرى بشكل عام
كنت لسا متصل بأميرة من شوية عشان وانا راجع من الشغل قابلت مصطفى ورحمة وقالى إن أميرة مامتها تعبانة ودخلت المستشفى , لما روحتوإتصلت بيها إتضح إن أبوها هو إللى تعبان مش أمها وإن الضغط على عنده فجأة وهو أصلا عنده مشاكل فى القلب وإحتمال الأيام الجاية يعمل عملية القلب المفتوح , ربنا معاه يا رب ويشفى كل مرضانا ع الأقل عشان خاطر أميرة وإخواتها ,ربنا يقومه ليكى بالسلامة يا أميرة
أنا هسيبكم بقى دلوقتى عشان أدخل أنام عشان أتنيل أروح الشغل بكرة ,وإدعولى إنى أستمر فى كتابة اليوميات بس بشكل منتظم وإنى أكتب نك نيم مش حزين زى ما لميس قالتلى ع الفيس بوك
تصبحوا على خير
إمضاء/ العايش فى قبره
الشخصيات إللى قابلتها
مصطفى سليمان
على
محمد مجدى
أحمد عوض
عمال المطعم كلهم
أميرة فى التليفون
أختى وتسبيح وخالد
فلافيلو
وناس تانية طايرين من دماغى
من الحاجات إللى حصلت الفترة إللى فاتت هى إن أحمد فلافيلو صاحبى جه ومعاه بنات أصحابه من المعهد ولو مش فاكرين هو فى معهد كينج مريوط قسم سياحة وفنادق ,فلافيلو جابهم المطعم ودخلوا قعدوا فى صالة المطعم وده طبعا بعد ما فلافيلو ساب الشغل خلاص ,بس الحمد لله لسا علاقته كويسة مع العمال وصحاب الشغل بالرغم من إنه مشى
بدأت أموت بشكل تدريجى الأيام إللى فاتت ,ونسيت بنسبة كبيرة محمد شعبان طالب كلية التجارة إللى بيحب التمثيل والكتابة وأغانى الروك والأفلام ,وبدأت أتحول لشخص عملى أو زى ماتقولوا كده حمار شغل ,ده طبعا إن مخى بقى شبه الآلة الحاسبة من كتر الحسابات والأرقام الداخلة والخارجة بشكل يومى فى دماغى
ماأنكرش إنى نفسى أرجع زى ماكنت , وشكلى هرجع زى ما كنت قريب ,على آخر الصيف كده ,بس لازم أدى الشخصية حقها لغاية الآخر وبعد كده أبقى أفكر أنا هعمل إيه ,ده كمان غير إنى خايف جدا من النتيجة وحاسس إنه هيبقى فى دور سبتمبر وهذاكر تانى فى الصيف وبكده هبقى عرفت كويس أنا هعمل إيه طبعا هذاكر
بعد ماإتصلت بذات الرداء الأحمر آخر مرة من المطعم قررت إنى أحاول ما تصلش بيها تانى أو على الأقل لفترة طويلة شوية ,إمبارح بس رنيت عليها رنة ودى كانت أقصى حاجة ممكن أعملها أو بمعنى تانى أقصى حاجة هعملها هى إنى ممكن أرنلها وبس لأن كلامها ممكن يتعبنى ويضرنى ومش هينفعنى خاااااااالص
من الحاجات الجادة إللى حصلتلى الأيام إللى فاتت هى إنى إتخانقت خناقة كبيرة مع أبويا وأمى بسبب إنهم حسوا إنى هسيب الشغل وإن مصطفى سليمان صاحبى بيحاول يظبطنى فى شغل تانى أحسن وأسهل بس هما مقتنعين بإن مصطفى فاشل على مستوى الدراسة والشغل وإنه مش هيجيبلى حاجة وفضلوا يزعقولى ويشتموا فيها وهما مش فاهمين أى حاجة ,ومش عارفين إن الشغل فعلا متعب وممل جدا لكن تعمل إيه بقى إللى إيده فى المية مش زى إللى إيده فى النار ,بعد زهيق وشد وجذب وده كان بليل حوالى الساعة 12 قررت إنى انهى الكلام من نفسى وأكتم غضبى وإنفعالى كالعادة وأدخل أنام ,بس لما حطيت دماغى ع السرير ما ستحملتش ,فجأة لقيت نفسى بعيط وبشكل هيستيرى لدرجة إن المخدة إللى بحضنها كل يوم وأنا نايم على إنها حبيبتى وبتحس بيا إتبلت من دموعى ,المشكلة بقى هى إنى علنياتى جدا ومش بشيل من حد خااااااااااص ,وده لأنى صحيت تانى يوم وكنت بكلم أبويا وأمى عادى جدا ولا كأن فى حاجة حصلت إمبارح ,مش عارف إمتى أبويا وأمى هيفهمونى ,وطالما أقرب ناس ليا مش فاهمنى يبقى الغريب هيفهمنى؟؟
إمبارح بس إكتشفت حاجة يمكن تكون جديدة وهى إن لما بيكون فى إتنين أو أكتر قاعدين مع بعض على طول زى الأسرة أو العيلة مثلا بيحصل حالة من التعود والملل ,زى ما تقولوا كده العين بتتعود فبتبدأ المشاكل تظهر والأحترام والحب والتعاون يقل تدريجيا ,والغريب كمان إنى إكتشفت إنك ممكن تطبق القاعدة فى أى مكان ,يعنى ممكن تطبقها فى شغلك مثلا ,ودى حصلت معايا النهاردة ,لأنه بعد ما كان بينى وبين العمال فى المطعم حب وتعاون كل حاجة جميلة بدأت تظهر بعض العيوب والمساوىء الموجودة فى الشخصيات وآخرها أشرف صاحب المطعم
أول إمبارح كنت عند مصطفى أنا ومحمد مجدى وقعدنا نتفرج على فيلم بتاع جون كوزاك وكان إسمه
Grace is gone
وكان فيلم إجتماعى درامى لذيذ جدا بس محمد مجدى كان بينام فى نص الفيلم دايما لأنه كان راجع من الشغل تعبان جدا
النهاردة كنا بنوده الشيف حمادة بتاع البيتزا لأنه بكرة هيروح يعرف مكانه فى الجيش والسلاح إللى هيخدم فيه ,بجد فعلا هيوحشنى جدا لأنه شخصية جميلة وطيبة جدا , وهو فلاح على فكرة بس فعلا مثال جميل جدا للفلاح التمام مش الفلاحين التانيين إللى بيسيئوا للفلاح المصرى بشكل عام
كنت لسا متصل بأميرة من شوية عشان وانا راجع من الشغل قابلت مصطفى ورحمة وقالى إن أميرة مامتها تعبانة ودخلت المستشفى , لما روحتوإتصلت بيها إتضح إن أبوها هو إللى تعبان مش أمها وإن الضغط على عنده فجأة وهو أصلا عنده مشاكل فى القلب وإحتمال الأيام الجاية يعمل عملية القلب المفتوح , ربنا معاه يا رب ويشفى كل مرضانا ع الأقل عشان خاطر أميرة وإخواتها ,ربنا يقومه ليكى بالسلامة يا أميرة
أنا هسيبكم بقى دلوقتى عشان أدخل أنام عشان أتنيل أروح الشغل بكرة ,وإدعولى إنى أستمر فى كتابة اليوميات بس بشكل منتظم وإنى أكتب نك نيم مش حزين زى ما لميس قالتلى ع الفيس بوك
تصبحوا على خير
إمضاء/ العايش فى قبره
الشخصيات إللى قابلتها
مصطفى سليمان
على
محمد مجدى
أحمد عوض
عمال المطعم كلهم
أميرة فى التليفون
أختى وتسبيح وخالد
فلافيلو
وناس تانية طايرين من دماغى
No comments:
Post a Comment