بقالى فترة منقطع عن كتابة اليوميات وده لظروف كتير ,أولها إنى برجع من الشغل يا إما بلاقى النت فاصل أصل صاحبكم مركب نت شبكة للأسف ,يا إما بلاقى أخويا قاعد ع الجهاز ومابعرفش أقومه وبما إنى بنام بدرى فالموضوع بيبوظ وبنام من غير ما أكتب اليوميات
الأيام إللى فاتت إللى هى من يوم 5 لحد النهاردة إللى هو 11 من شهر سبعة يولية حصلت بعض الحاجات والتغيرات , أى نعم هى مش تغيرات جذرية بس أكيد لازم يحصل تغيير عشان الحياة تستمر بشكل طبيعى
أول حاجة حصلت هى إنهم جابوا فى المطعم شيف جديد للبيتزا والفطير بدل حمادة إللى راح الجيش زى ماإنتوا عارفين ,الشيف الجديد إسمه أحمد ,هو طيب وجدع جدا بس عنده مشكلة صعبة أوى وهى إنه بيتكلم عن نفسه كتير , يعنى بمجرد ماتدخل معاه فى أى موضوع يحول الكلام لنفسه ويفضل يقولك أصل أنا عملت وسويت ويفضل يحكيلى حكايات ربنا وحده إللى يعلم إذا كانت حقيقية ولا لأ
من أول الشهر بقيت بقبض باليوم , 15 جنيه فى اليوم والأيام إللى إشتغلتها فى شهر ستة ما أخدتش منها غير 55 جنيه ودول واخدهم النهاردة يوم 11/7 إللى هو يوم الجمعة ,وباقيلى من شهر ستة 200 جنيه ولسا هاخدهم بس مش دلوقتى عشان أضحك على نفسى وأستمر فى الشغل شوية ,أمى عارفة إنى بقبض باليوم بس أبويا لسا لأنه لو عرف إنى ليا فلوس لسا ما أخدتهاش هيعم ل معايا مشكلة وهيعكنن عليا عيشتى إللى هيا مش ناقصة أساسا
من الحاجت إللى عملتها الفترة إللى فاتت هى إنى كلمت أميرة فى التليفون مرتين وفضلت تحكيلى فى المكالمة الأولى عن تطورات مشاكلها العاطفية وبينى وبينكم أنا مش فاكر ولا كلمة من إللى قالته لأنى ماكنتش مركز معاها بصراحة وكنت عاوز أنام بشكل بشع ,بس الحمد لله المكالمة خلصت على خير وكان عندها مشكلة تانية وهى إن أبوها تعبان جدا وخلال الأيام إللى جاية هيعمل عملية القلب المفتوح ,وفى لمكالمة التانية عرفت إنه عنده مشاكل كمان فى فقرات ضهره وبرغم كل ده إلا إنه لسا بينزل الشغل ومش عاوز يقعد فى البيت , قالتلى حاجات تانية زى إنهم خلاص خلصوا العمرة إللى كانوا بيعملوها فى الشقة ودلوقتى هما بيرتبوا البيت
من الحاجات إللى حصلت برضو هو إن مصطفى سليمان رجع شغله تانى فى المنشية عند تاجر الجملة بتاع لعب الأطفال ,بس من ساعة ماراح من 3 أيام وأنا مش عارف أشوفه خالص لأنه بيروح الساعة 11 وبيخلص على 11 أو 12 بليل وبكون أنا نمت طبعا
بحاول من يوم للتانى إنى أنزل شوية على الأقل ساعة أو إتنين عشان أغير جو شوية ,بينى وبينكم أنا نفسى أسيب الشغل من إمبارح مش من بكرة ,بس لحد دلوقتى مش عارف أنا مستمر فيه ليه؟
بصراحة أنا عارف أنا مستمر فيه ليه؟ لأنى لو قعدت من الشغل هشغل تفكيرى بحاجات لا تودى ولا تجيب بل بالعكس ممكن تضرنى زى التفكير فى ذات الرداء الأحمر مثلا أو التفكير فى شغل المسرح تانى والتمثيل والكتابة وكده ودى حاجات ماتأكلش عيش فى الوقت الحالى وبالرغم من إنى مفتقد الحاجات دى جدا إلا إنى مش عاوز أعملها عشان حياتى مش مستحملة فشل تانى عشان كده ممكن تقولوا إنى ماشى جنب الحيط لفترة كده عشان أروض نفسى وأأدبها شوية لأن العذاب الجسدى أهون بكتير من العذاب النفسى والفكرى
الموبايل بتاع صاحب المحل إتسرق من على المكتب إللى أنا قاعد عليه والمشكلة إنى عرفت مين إللى سرقه ,هما إتنين شباب من إللى ممكن تقول عليهم بيحاولوا جاهدا إنهم يبقوا بنى آدمين بس بيفشلوا ,طبعا أنا بعمل نفسى مفتح وإنى لافف الدنيا بطولها وعرضها بس أنا فى الحقيقة غلبان جدا وعلنياتى بشكل بشع ,طبعا لما عرفنا إن الموبايل إتسرق كان الحرامية مشيوا من زمااااااااااان ,هو أصلا كان موبايل تعبان كان نوكيا 1200 ,وصاحب المطعم مش فقير فمن السهل إنه يجيب واحد تانى وهو فعلا عمل كده وجاب موبايل فى نفس اليوم وهو سامسونج إى 250 ,وطبعا ماكانش فاهم فيه حاجة لأنه متعود على إللى فات ,كفاية كده عشان الموضوع ده نفيخ أوى
روحت المكتبة مرتين ,مرة لوحدى ومرة كانت إمبارح مع على ,قعدت مع أحمد قطب ومصطفى قطب شوية وبعدين روحت على طول عشان ألحق أنام ,مع إن دى مش عادتى خاااااالص وهى إنى أنام بدرى بس زى ما قولتلكم هى الحكاية كلها ترويض للنفس ومش بس كده لأ وبروضها على حاجات متعبة وبكرهها كمان عشان تبقى العملية فى البظرميط ع الآخر
النهاردة الجمعة وكان الشغل فرم كالعادة ورجعت بيتنا وأنا رجليا بتوجعنى جداااااااااااااا ولسا واجعانى لحد دلوقتى وأنا بكتبلكم اليومية ,النهادرة كمان على فكرة جابوا واحد جديد عشان يمسك صالة المطعم مع وليد بس شكله كده مش هيعمر لأنه بطىء جدا وبيتعب بسرعة وده مش مطلوب فى أى شغل ,وجابوا واحد تانى هيشتغل على السندونشات ,بس ده بقى على العكس تماما ,متحمس جدا للشغل وبيتعلم بسرعة وشكله عاوز يروض نفسه زى حالاتى كده
مش فاكر أى تغيرات تانية حصلت ,بس لو إفتكرت أوعدكم إن شاء الله إنى مش هقولكم عشان طالما أنا مش فاكرها يبقى أكيد مش تغيرات جوهرية أو مهمة
تصبحوا على خيييييييييييييييييييييييييييييير
إمضاء/ العايش فى قبره
الشخصيات إللى قبلتها
عمال المطعم
على
محمد مجدى
أحمد ومصطفى قطب
محمد إللى شغال معاهم فى المكتبة
أميرة فى التليفون
وأحمد سعيد أخيرا إفتكرنى وإتصل بيا
وأكيد طبعا فى ناس ناسيهم هو أنا مخى دفتر
الأيام إللى فاتت إللى هى من يوم 5 لحد النهاردة إللى هو 11 من شهر سبعة يولية حصلت بعض الحاجات والتغيرات , أى نعم هى مش تغيرات جذرية بس أكيد لازم يحصل تغيير عشان الحياة تستمر بشكل طبيعى
أول حاجة حصلت هى إنهم جابوا فى المطعم شيف جديد للبيتزا والفطير بدل حمادة إللى راح الجيش زى ماإنتوا عارفين ,الشيف الجديد إسمه أحمد ,هو طيب وجدع جدا بس عنده مشكلة صعبة أوى وهى إنه بيتكلم عن نفسه كتير , يعنى بمجرد ماتدخل معاه فى أى موضوع يحول الكلام لنفسه ويفضل يقولك أصل أنا عملت وسويت ويفضل يحكيلى حكايات ربنا وحده إللى يعلم إذا كانت حقيقية ولا لأ
من أول الشهر بقيت بقبض باليوم , 15 جنيه فى اليوم والأيام إللى إشتغلتها فى شهر ستة ما أخدتش منها غير 55 جنيه ودول واخدهم النهاردة يوم 11/7 إللى هو يوم الجمعة ,وباقيلى من شهر ستة 200 جنيه ولسا هاخدهم بس مش دلوقتى عشان أضحك على نفسى وأستمر فى الشغل شوية ,أمى عارفة إنى بقبض باليوم بس أبويا لسا لأنه لو عرف إنى ليا فلوس لسا ما أخدتهاش هيعم ل معايا مشكلة وهيعكنن عليا عيشتى إللى هيا مش ناقصة أساسا
من الحاجت إللى عملتها الفترة إللى فاتت هى إنى كلمت أميرة فى التليفون مرتين وفضلت تحكيلى فى المكالمة الأولى عن تطورات مشاكلها العاطفية وبينى وبينكم أنا مش فاكر ولا كلمة من إللى قالته لأنى ماكنتش مركز معاها بصراحة وكنت عاوز أنام بشكل بشع ,بس الحمد لله المكالمة خلصت على خير وكان عندها مشكلة تانية وهى إن أبوها تعبان جدا وخلال الأيام إللى جاية هيعمل عملية القلب المفتوح ,وفى لمكالمة التانية عرفت إنه عنده مشاكل كمان فى فقرات ضهره وبرغم كل ده إلا إنه لسا بينزل الشغل ومش عاوز يقعد فى البيت , قالتلى حاجات تانية زى إنهم خلاص خلصوا العمرة إللى كانوا بيعملوها فى الشقة ودلوقتى هما بيرتبوا البيت
من الحاجات إللى حصلت برضو هو إن مصطفى سليمان رجع شغله تانى فى المنشية عند تاجر الجملة بتاع لعب الأطفال ,بس من ساعة ماراح من 3 أيام وأنا مش عارف أشوفه خالص لأنه بيروح الساعة 11 وبيخلص على 11 أو 12 بليل وبكون أنا نمت طبعا
بحاول من يوم للتانى إنى أنزل شوية على الأقل ساعة أو إتنين عشان أغير جو شوية ,بينى وبينكم أنا نفسى أسيب الشغل من إمبارح مش من بكرة ,بس لحد دلوقتى مش عارف أنا مستمر فيه ليه؟
بصراحة أنا عارف أنا مستمر فيه ليه؟ لأنى لو قعدت من الشغل هشغل تفكيرى بحاجات لا تودى ولا تجيب بل بالعكس ممكن تضرنى زى التفكير فى ذات الرداء الأحمر مثلا أو التفكير فى شغل المسرح تانى والتمثيل والكتابة وكده ودى حاجات ماتأكلش عيش فى الوقت الحالى وبالرغم من إنى مفتقد الحاجات دى جدا إلا إنى مش عاوز أعملها عشان حياتى مش مستحملة فشل تانى عشان كده ممكن تقولوا إنى ماشى جنب الحيط لفترة كده عشان أروض نفسى وأأدبها شوية لأن العذاب الجسدى أهون بكتير من العذاب النفسى والفكرى
الموبايل بتاع صاحب المحل إتسرق من على المكتب إللى أنا قاعد عليه والمشكلة إنى عرفت مين إللى سرقه ,هما إتنين شباب من إللى ممكن تقول عليهم بيحاولوا جاهدا إنهم يبقوا بنى آدمين بس بيفشلوا ,طبعا أنا بعمل نفسى مفتح وإنى لافف الدنيا بطولها وعرضها بس أنا فى الحقيقة غلبان جدا وعلنياتى بشكل بشع ,طبعا لما عرفنا إن الموبايل إتسرق كان الحرامية مشيوا من زمااااااااااان ,هو أصلا كان موبايل تعبان كان نوكيا 1200 ,وصاحب المطعم مش فقير فمن السهل إنه يجيب واحد تانى وهو فعلا عمل كده وجاب موبايل فى نفس اليوم وهو سامسونج إى 250 ,وطبعا ماكانش فاهم فيه حاجة لأنه متعود على إللى فات ,كفاية كده عشان الموضوع ده نفيخ أوى
روحت المكتبة مرتين ,مرة لوحدى ومرة كانت إمبارح مع على ,قعدت مع أحمد قطب ومصطفى قطب شوية وبعدين روحت على طول عشان ألحق أنام ,مع إن دى مش عادتى خاااااالص وهى إنى أنام بدرى بس زى ما قولتلكم هى الحكاية كلها ترويض للنفس ومش بس كده لأ وبروضها على حاجات متعبة وبكرهها كمان عشان تبقى العملية فى البظرميط ع الآخر
النهاردة الجمعة وكان الشغل فرم كالعادة ورجعت بيتنا وأنا رجليا بتوجعنى جداااااااااااااا ولسا واجعانى لحد دلوقتى وأنا بكتبلكم اليومية ,النهادرة كمان على فكرة جابوا واحد جديد عشان يمسك صالة المطعم مع وليد بس شكله كده مش هيعمر لأنه بطىء جدا وبيتعب بسرعة وده مش مطلوب فى أى شغل ,وجابوا واحد تانى هيشتغل على السندونشات ,بس ده بقى على العكس تماما ,متحمس جدا للشغل وبيتعلم بسرعة وشكله عاوز يروض نفسه زى حالاتى كده
مش فاكر أى تغيرات تانية حصلت ,بس لو إفتكرت أوعدكم إن شاء الله إنى مش هقولكم عشان طالما أنا مش فاكرها يبقى أكيد مش تغيرات جوهرية أو مهمة
تصبحوا على خيييييييييييييييييييييييييييييير
إمضاء/ العايش فى قبره
الشخصيات إللى قبلتها
عمال المطعم
على
محمد مجدى
أحمد ومصطفى قطب
محمد إللى شغال معاهم فى المكتبة
أميرة فى التليفون
وأحمد سعيد أخيرا إفتكرنى وإتصل بيا
وأكيد طبعا فى ناس ناسيهم هو أنا مخى دفتر
No comments:
Post a Comment