فترة توقف كبيييييييييييرة عن الكتابة فى اليوميات
بس إن شاء الله والمردة دى بجد راجع وبقوة بإذن الله
هحاول على قد ما أقدر أقولكم إللى حصل خلال الفترة إللى فاتت وهى كانت النص التانى من شهر رمضان ولحد بعد العيد
المشروع إللى كنا عاملينه انا ومصطفى ورحمة ماحققش اى مكاسب بس الحمد لله ماحققش خسارة قدرنا نسدد فلوس البضاعة إللى كنا جايبينها .. ده طبعا بعد ما رجعنا كمان الجزء إللى ماتباعش منها ,وعاوز أقولكم إن طلع عينى انا ومصطفى عشان ترجعها تانى , بس الحمد لله الموضوع تم على خير ومن غير خسائر مادية على الأقل ,وإذا جت فى الشهر إللى ضيعناه فمش مشكلة المهم إننا إستفادنا من إللى إحنا عملناه وهو إنك لازم تدرس أى مشروع كويس جدا قبل ماتدخله
من الحاجات إللى حصلت برضو إن أنا ومصطفى دخلنا إختبارات آداب قسم مسرح عشان هما السنة دى عاملين إختبارات تحريرى وعملى فقولت أدخل الإختبارات الأول وبعدين لو إتقبلت فى القسم أروح وأقدم ورقى فى الكلية عشان مادفعش فلوس التقديم ع الفاضى إللى هما 300 جنيه
الإختبارات عدت إلى حد ما كويسة وإن شاء أنا متفائل خير فى إنى أتقبل أنا ومصطفى بس المشكلة بس هى هتبقى التوفيق بين الدراسة والشغل والحاجات التانية زى الكتابة مثلا ولو فيه شغل فى عروض مسرحية برضو هيبقى شىء مستحيل ,بس انا بحب الضغط فى الشغل عشان مايبقاش فيه وقت أفكر فى اى حاجة ممكن تضايقنى
روحت فريق المسرح عننا فى الكلية كام يوم كده عشان أشوفهم عاملين إيه وشغالين إزاى وكده ,وشكلهم مظبطين السنة دى حاجات حلوة بعد ماأخدوا كمان اوضة واسعة ومكيفة كمان عشان يعملوا فيها البروفات ,وحفلة إستقبال اعضاء الفريق الجدد بكرة إللى هوا الخميس 9/10 وطبعا هروح وأشوف هيعملوا فيها إيه؟
إنقطعت لميس عن النت الفترة دى وبطريقة غريبة بحيث إنها بتبقى موجودة ع الفيس بوك بس مش بتفتح الإيميل ,وفى مرة كانت فاتحة الإيميل على غير العادة فسألتها هى مخاصمانى ولا حاجة فقالتلى إنها بس مشغولة فى الدراسة وكده وإنها بتعمل مشروع له علاقة باللغة الفرنسية بس هى ماقالتش على أ تفاصيل لأنها قالتلى لازم تطلع دلوقتى عشان هى شغالة فيه دلوقتى ,أنا عادى ماكنتش متضايق أوى إنها مش بتكلمنى بس أنا زى ماقولتلها إنى مش بحب إنى أبقى فى فترة قريب لحد أوى وكل أسرارى ومشاكلى معاه وفجأة ينقطع الإتصال فجأة وكأن لم يكن أى شىء ,وعلاج الحكاية دى بسيط وهو رسالة من وقت للتانى بأى تطورات أو أى حاجة بتحصلنا مش أكتر عشان مايحصلش التباعد المفاجىء الغريب ده
ممممممممممممم إيه تانى حصل؟إيه تانى ياواد يا محمد؟ أه
فى ناس جديدة عرفتها عن طريق النت
أميرة خضيرى وغادة يسرى ,عرفتهم عن طريق النت بس هما طلعوا أصلا من فريق القادة الإجتماعيين عندنا فى الكلية فطلعوا جيرانا يعنى ومش أغراب ,بس لسا علاقتى بيهم مابقتش عميقة أوى يعنى
وغتكلمت كمان مع د/جمال ياقوت وده طبعا حكايته كبيرة جدا ,أولا أنا كنت عارفه بس معرفهوش شخصيا وهو مايعرفنيش أصلا بس أخدت إيميله عن طريق الفيس بوك ,د/جمال ياقوت مخرج مسرحى كبييييييير ومن زماااااااااان ,أخرج عروض كتير فى إسكندرية والقاهرة وفى القومى بس أكيد طبعا قبل مايتحرق ,بس لسوء حظه إنه كان من ضمن المتواجدين فى حريق مسرح بنى سويف وحصلتله بعض التشوهات البسيطة بس الحمد لله خرج سليم ,كلمته إمبارح ع الياهو بس مش كتير ,يادزب بسغتعرفنا ببعض وكده وهو لما عرف إنى من فريق تجارة فرح جدااااا لأنه يعتبر من مؤسسى الفريق مع د/أيمن الخشاب بس حصلت بينهم كده شوية مشاكل فى الفترة الأخيرة وبقى لكل واحد فيهم جبهة مستقلة ,لكن أنا بالنسبالى عادى انا بتعامل مع ده ومع ده وع اى إنسان مش شايفه عمل معايا حاجة وحشة
النهاردة إتعرفت على بنوتة رقيقة من ع الفيس بوك برضو ,مش هقول إسمها إلا لما أستأذنها الأول بس أقدر أديها لقب الأميرة لأنى كل أما بشوف صورتها بتفكرنى على طول بأميرات الأندلس والعصور القديمة وده شىء بيعجبنى جدا بصراحة وكان نفسى أبقى من الناس إللى كانوا عايشين فى الفترة دى ,الغريب إنها ماكانتش تعرفنى أصلا وبدأت تلاحظ من كلامى ع الفيس بوك مع الناس إن فيا حاجة غلط او فيه حاجة جوايا واحدش فاهمها ولا شايفها ,قولت عادى جايز يعنى بتحاول تخرجنى من حالتى لحالة تانية أفضل ,بعتتلى رسالة ع الفيس بوك وكنت فعلا مبسوط من كلامها جدا لأنى بجد كان نفسى إنى أقابل حد كده من زمان ,حتى لو مش هيكلمنى تانى بس كان نفسى أشوف إن فيه ناس لسا بتلاحظ إللى حواليهم لما يبقوا متضايقين أو تعبانين نفسيا ,لأنى كنت وصلت لمرحلة كنت معتقد إن انا بس إللى بيعمل كده بس الحمد لله طلع فيه ناس تانية بتعمل كده ,على كل حال أنا بشكر ربنا على الخطوة دى إللى فعلا فرقت معايا كتير حتى ولو كانت بسيطة
المفروض كنت أبدأ الإسبوع ده فى كتابة سيناريو فيلم بس أجلته شوية عشان فيه مريم زميلتى فى فريق المسرح عندها كتاب عن فن كتابة السيناريو وهتجيبهولى بكرة فقولت أستنى وأقراه الأول وبعد كده أبدأ فى الكتابة من يوم السبت إن شاء الله
طبعا هتقولولى إنت مش بتفكر فى الشغل خالص بما إنك إتخرجت خلاص ,أنا فعلا بفكر وهنزل من يوم الجمعة أدور على شغل فى أى مكان كده مؤقت بس يكون مواعيد الشغل بليل عشان لو إتقبلت فى قسم المسرح وحبيت أروح أقدر أروح , ده غير كمان إن فيه فلوس كده هتيجى لأبويا من ورث بيت ستى ,هما مش كتير حوالى 6000 جنيه ,فقالى بابا إنه هيشيلى جزء عشان آخد بيه كورسات محاسبة وكمبيوتر وكده عشان خالى لما سأل واحد يعرفه عنده شركة كبيرة قاله خليه يعمل الكورسات دى ويجيلى وانا هعينه على طول ,وخالى التانى شغال فى بنك مصر وقالى هما مش طالبين تعيين دلوقتى بس أول مايطلبوا لازم تكون جاهز عشان هظبطك وتدخل الإختبارات وإنت وشطارتك بقى يا معلم
يعنى بدون مبالغة الأيام الجاية بالنسبالى هتبقى إنتحار وفرم ,سواء على مستوى الشغل أو الدراسة أو الهوايات والكتابة والتمثيل وما إلى ذلك
مصطفى سليمان لسا متصل بيا دلوقتى من مكتبة قطب وشوية كده وهروحله البيت أقعد معاه شوية وبعدين أرجع اتسحر عشان انا بصوم الأيام دى وأعمل كمان سى دى لشيماء امين زميلتى فى فريق المسرح عشان كانت طالبة منى شوية أفلام ولازم أديهالها بكرة
من الحجات إلى حصلت هو إنى إتعرفت على وصال عبد العزيز وده ممثل من إسكندرية,هو مش كبير حوالى 26 سنة وكنت أعرفه من قبل كده بس مش معرفة شخصية ,لكن الأيام إللى فاتت مصطفى سليمان عرفنى عليه وروحنا عنده البيت كمان أكتر من مظرة ولعبنا وأخدنا أفلام واغانى ومسرحيات من بعض وبقت العلاقة قوية إلى حد كبير ,وصال خريج قسم آداب مسرح من فترة ووالده ماسك مسرح الأنفوشى ومن الناس إللى مهتمة جدا بالمسرح والتمثيل فى إسكندرية
من الحاجات الجميلة برضو إن فيه واحد زميلنا فى إسكندرية وانتيم وصال طلع فى مسلسل تامر وشوقية وأكيد كلكم شوفتوه ,إسمه رامى نادر وكان عامل دور أخو تامر فى المسلسل ,طبعا كانت فرصة كبيرة بالنسباله والحمد لله إستغلها كويس وعمل الدور حلو أوى والخمس حلقات إللى عملها كانت عاجبة الناس جدااااااااااا
على فكرة كمان وصال طلع فى مشاهد صغيرة فى مسلسل هيمة وفى مسلسل الفاضى يعمل إيه؟
بالنسبة لذات الرداء الأحمر فكنت بشوفها فى الكلية بس كان كلامنا كله مجرد سلامات وعامل إيه وعاملة إيه وكده وطبعا كان معاها الصريحة اكيد ,كل الجديد إنها إتقبلت هى والصريحة فى قسم الحاسب الآلى ونظم المعلومات وده قسم كويس جدا لأنه بيضم المتفوقين ,أنا كنت بفكر أدخله لما كنت فى الكلية قبل ما أدخل قسم المحاسبة بس للأسف قسم نظم المعلومات عاوز إنتظام فى الحضور وأنا ماكنتش هعرف عشان بروفات فريق المسرح وكده ,ده غير كمان إن كل الأقسام فى الآخر زى بعضها وكلهم بشتغلوا فى نفس المكان تقريبا ,آخر مرة إتصلت بيها كانت يوم الوقفة وكان كلامى عادى وسألتها القسم صعب وبا سهل قالتلى عادى كل حاجة بس بتبقى صعبة فى أولها وبعد كده ربنا يسهل وكله يمشى تمام
هسيبكم بقى دلوقتى لأنى طولت عليكم أنا عارف ,بس وعد منى إن شاء الله إنى أخصص كل يوم حوالى ربع أو نص ساعة أضيف فيها اليومية عشان أعرف أكتبلكم تفاصيل أكتر سواء تفاصيل خارجية أو داخلية جوايا
إمضاء/ العايش فى قبره
بس إن شاء الله والمردة دى بجد راجع وبقوة بإذن الله
هحاول على قد ما أقدر أقولكم إللى حصل خلال الفترة إللى فاتت وهى كانت النص التانى من شهر رمضان ولحد بعد العيد
المشروع إللى كنا عاملينه انا ومصطفى ورحمة ماحققش اى مكاسب بس الحمد لله ماحققش خسارة قدرنا نسدد فلوس البضاعة إللى كنا جايبينها .. ده طبعا بعد ما رجعنا كمان الجزء إللى ماتباعش منها ,وعاوز أقولكم إن طلع عينى انا ومصطفى عشان ترجعها تانى , بس الحمد لله الموضوع تم على خير ومن غير خسائر مادية على الأقل ,وإذا جت فى الشهر إللى ضيعناه فمش مشكلة المهم إننا إستفادنا من إللى إحنا عملناه وهو إنك لازم تدرس أى مشروع كويس جدا قبل ماتدخله
من الحاجات إللى حصلت برضو إن أنا ومصطفى دخلنا إختبارات آداب قسم مسرح عشان هما السنة دى عاملين إختبارات تحريرى وعملى فقولت أدخل الإختبارات الأول وبعدين لو إتقبلت فى القسم أروح وأقدم ورقى فى الكلية عشان مادفعش فلوس التقديم ع الفاضى إللى هما 300 جنيه
الإختبارات عدت إلى حد ما كويسة وإن شاء أنا متفائل خير فى إنى أتقبل أنا ومصطفى بس المشكلة بس هى هتبقى التوفيق بين الدراسة والشغل والحاجات التانية زى الكتابة مثلا ولو فيه شغل فى عروض مسرحية برضو هيبقى شىء مستحيل ,بس انا بحب الضغط فى الشغل عشان مايبقاش فيه وقت أفكر فى اى حاجة ممكن تضايقنى
روحت فريق المسرح عننا فى الكلية كام يوم كده عشان أشوفهم عاملين إيه وشغالين إزاى وكده ,وشكلهم مظبطين السنة دى حاجات حلوة بعد ماأخدوا كمان اوضة واسعة ومكيفة كمان عشان يعملوا فيها البروفات ,وحفلة إستقبال اعضاء الفريق الجدد بكرة إللى هوا الخميس 9/10 وطبعا هروح وأشوف هيعملوا فيها إيه؟
إنقطعت لميس عن النت الفترة دى وبطريقة غريبة بحيث إنها بتبقى موجودة ع الفيس بوك بس مش بتفتح الإيميل ,وفى مرة كانت فاتحة الإيميل على غير العادة فسألتها هى مخاصمانى ولا حاجة فقالتلى إنها بس مشغولة فى الدراسة وكده وإنها بتعمل مشروع له علاقة باللغة الفرنسية بس هى ماقالتش على أ تفاصيل لأنها قالتلى لازم تطلع دلوقتى عشان هى شغالة فيه دلوقتى ,أنا عادى ماكنتش متضايق أوى إنها مش بتكلمنى بس أنا زى ماقولتلها إنى مش بحب إنى أبقى فى فترة قريب لحد أوى وكل أسرارى ومشاكلى معاه وفجأة ينقطع الإتصال فجأة وكأن لم يكن أى شىء ,وعلاج الحكاية دى بسيط وهو رسالة من وقت للتانى بأى تطورات أو أى حاجة بتحصلنا مش أكتر عشان مايحصلش التباعد المفاجىء الغريب ده
ممممممممممممم إيه تانى حصل؟إيه تانى ياواد يا محمد؟ أه
فى ناس جديدة عرفتها عن طريق النت
أميرة خضيرى وغادة يسرى ,عرفتهم عن طريق النت بس هما طلعوا أصلا من فريق القادة الإجتماعيين عندنا فى الكلية فطلعوا جيرانا يعنى ومش أغراب ,بس لسا علاقتى بيهم مابقتش عميقة أوى يعنى
وغتكلمت كمان مع د/جمال ياقوت وده طبعا حكايته كبيرة جدا ,أولا أنا كنت عارفه بس معرفهوش شخصيا وهو مايعرفنيش أصلا بس أخدت إيميله عن طريق الفيس بوك ,د/جمال ياقوت مخرج مسرحى كبييييييير ومن زماااااااااان ,أخرج عروض كتير فى إسكندرية والقاهرة وفى القومى بس أكيد طبعا قبل مايتحرق ,بس لسوء حظه إنه كان من ضمن المتواجدين فى حريق مسرح بنى سويف وحصلتله بعض التشوهات البسيطة بس الحمد لله خرج سليم ,كلمته إمبارح ع الياهو بس مش كتير ,يادزب بسغتعرفنا ببعض وكده وهو لما عرف إنى من فريق تجارة فرح جدااااا لأنه يعتبر من مؤسسى الفريق مع د/أيمن الخشاب بس حصلت بينهم كده شوية مشاكل فى الفترة الأخيرة وبقى لكل واحد فيهم جبهة مستقلة ,لكن أنا بالنسبالى عادى انا بتعامل مع ده ومع ده وع اى إنسان مش شايفه عمل معايا حاجة وحشة
النهاردة إتعرفت على بنوتة رقيقة من ع الفيس بوك برضو ,مش هقول إسمها إلا لما أستأذنها الأول بس أقدر أديها لقب الأميرة لأنى كل أما بشوف صورتها بتفكرنى على طول بأميرات الأندلس والعصور القديمة وده شىء بيعجبنى جدا بصراحة وكان نفسى أبقى من الناس إللى كانوا عايشين فى الفترة دى ,الغريب إنها ماكانتش تعرفنى أصلا وبدأت تلاحظ من كلامى ع الفيس بوك مع الناس إن فيا حاجة غلط او فيه حاجة جوايا واحدش فاهمها ولا شايفها ,قولت عادى جايز يعنى بتحاول تخرجنى من حالتى لحالة تانية أفضل ,بعتتلى رسالة ع الفيس بوك وكنت فعلا مبسوط من كلامها جدا لأنى بجد كان نفسى إنى أقابل حد كده من زمان ,حتى لو مش هيكلمنى تانى بس كان نفسى أشوف إن فيه ناس لسا بتلاحظ إللى حواليهم لما يبقوا متضايقين أو تعبانين نفسيا ,لأنى كنت وصلت لمرحلة كنت معتقد إن انا بس إللى بيعمل كده بس الحمد لله طلع فيه ناس تانية بتعمل كده ,على كل حال أنا بشكر ربنا على الخطوة دى إللى فعلا فرقت معايا كتير حتى ولو كانت بسيطة
المفروض كنت أبدأ الإسبوع ده فى كتابة سيناريو فيلم بس أجلته شوية عشان فيه مريم زميلتى فى فريق المسرح عندها كتاب عن فن كتابة السيناريو وهتجيبهولى بكرة فقولت أستنى وأقراه الأول وبعد كده أبدأ فى الكتابة من يوم السبت إن شاء الله
طبعا هتقولولى إنت مش بتفكر فى الشغل خالص بما إنك إتخرجت خلاص ,أنا فعلا بفكر وهنزل من يوم الجمعة أدور على شغل فى أى مكان كده مؤقت بس يكون مواعيد الشغل بليل عشان لو إتقبلت فى قسم المسرح وحبيت أروح أقدر أروح , ده غير كمان إن فيه فلوس كده هتيجى لأبويا من ورث بيت ستى ,هما مش كتير حوالى 6000 جنيه ,فقالى بابا إنه هيشيلى جزء عشان آخد بيه كورسات محاسبة وكمبيوتر وكده عشان خالى لما سأل واحد يعرفه عنده شركة كبيرة قاله خليه يعمل الكورسات دى ويجيلى وانا هعينه على طول ,وخالى التانى شغال فى بنك مصر وقالى هما مش طالبين تعيين دلوقتى بس أول مايطلبوا لازم تكون جاهز عشان هظبطك وتدخل الإختبارات وإنت وشطارتك بقى يا معلم
يعنى بدون مبالغة الأيام الجاية بالنسبالى هتبقى إنتحار وفرم ,سواء على مستوى الشغل أو الدراسة أو الهوايات والكتابة والتمثيل وما إلى ذلك
مصطفى سليمان لسا متصل بيا دلوقتى من مكتبة قطب وشوية كده وهروحله البيت أقعد معاه شوية وبعدين أرجع اتسحر عشان انا بصوم الأيام دى وأعمل كمان سى دى لشيماء امين زميلتى فى فريق المسرح عشان كانت طالبة منى شوية أفلام ولازم أديهالها بكرة
من الحجات إلى حصلت هو إنى إتعرفت على وصال عبد العزيز وده ممثل من إسكندرية,هو مش كبير حوالى 26 سنة وكنت أعرفه من قبل كده بس مش معرفة شخصية ,لكن الأيام إللى فاتت مصطفى سليمان عرفنى عليه وروحنا عنده البيت كمان أكتر من مظرة ولعبنا وأخدنا أفلام واغانى ومسرحيات من بعض وبقت العلاقة قوية إلى حد كبير ,وصال خريج قسم آداب مسرح من فترة ووالده ماسك مسرح الأنفوشى ومن الناس إللى مهتمة جدا بالمسرح والتمثيل فى إسكندرية
من الحاجات الجميلة برضو إن فيه واحد زميلنا فى إسكندرية وانتيم وصال طلع فى مسلسل تامر وشوقية وأكيد كلكم شوفتوه ,إسمه رامى نادر وكان عامل دور أخو تامر فى المسلسل ,طبعا كانت فرصة كبيرة بالنسباله والحمد لله إستغلها كويس وعمل الدور حلو أوى والخمس حلقات إللى عملها كانت عاجبة الناس جدااااااااااا
على فكرة كمان وصال طلع فى مشاهد صغيرة فى مسلسل هيمة وفى مسلسل الفاضى يعمل إيه؟
بالنسبة لذات الرداء الأحمر فكنت بشوفها فى الكلية بس كان كلامنا كله مجرد سلامات وعامل إيه وعاملة إيه وكده وطبعا كان معاها الصريحة اكيد ,كل الجديد إنها إتقبلت هى والصريحة فى قسم الحاسب الآلى ونظم المعلومات وده قسم كويس جدا لأنه بيضم المتفوقين ,أنا كنت بفكر أدخله لما كنت فى الكلية قبل ما أدخل قسم المحاسبة بس للأسف قسم نظم المعلومات عاوز إنتظام فى الحضور وأنا ماكنتش هعرف عشان بروفات فريق المسرح وكده ,ده غير كمان إن كل الأقسام فى الآخر زى بعضها وكلهم بشتغلوا فى نفس المكان تقريبا ,آخر مرة إتصلت بيها كانت يوم الوقفة وكان كلامى عادى وسألتها القسم صعب وبا سهل قالتلى عادى كل حاجة بس بتبقى صعبة فى أولها وبعد كده ربنا يسهل وكله يمشى تمام
هسيبكم بقى دلوقتى لأنى طولت عليكم أنا عارف ,بس وعد منى إن شاء الله إنى أخصص كل يوم حوالى ربع أو نص ساعة أضيف فيها اليومية عشان أعرف أكتبلكم تفاصيل أكتر سواء تفاصيل خارجية أو داخلية جوايا
إمضاء/ العايش فى قبره
No comments:
Post a Comment